Haiti
Atik

Ayiti-Move tan :19 siklòn, pami yo 4 ki kapab trè fò, pou peryòd 6 mwa, soti premye jen rive 30 novanm lane 2021 an


Ekri jou madi 1e jen 2021

Pòtoprens, premye jen 2021 [AlterPresse] --- Soti madi premye jen an pou rive madi 30 novanm 2021 an, se sezon siklòn nan, ki rekoumanse. Espesyalis nan kondisyon tan an prevwa 19 siklòn, pami yo 4 ki kapab trè fò, pou peryòd 6 mwa lane 2021 sa a, dapre sa ajans AlterPresse li nan bilten yo fè sòti nan dat lendi 31 me 2021 an.

Detan sezon siklòn lane 2021 an louvri, imidite, ki genyen sou pi fò zile Karayib yo, ap pèmèt aktivite lapli, ki mache ak loray, nan finisman jounen an ak aswè, sou depatman Plato santral, Latibonit, Grandans, Nip ak Lwès, kote nou jwenn Pòtoprens.

Toujou gen van, divès kote, pandan jounen an.

Solèy lan rekoumanse byen klere, nan maten. Ap gen nyaj, nan apremidi ak aswè.

Sòti nan 35 degre Sèlsiyis, tanperati an pral desann, ant 25 pou al 20 degre Sèlsiyis.

Detan yo va evite rantre nan fonn lanmè an, Kaptenn bato, chaloup, bwa fouye yo, dwe kontinye pran prekosyon sou lanmè an, ki move anpil, bò tout kòt peyi d Ayiti yo.

Vag yo ap monte nan nivo 8 pye wotè bò kòt Sid yo ak 7 pye wotè bò kòt Nò yo. [jep emb rc apr 01/06/2021 11:40]