Haiti
Atik

3 nan 7 relijye, ki te anba men kidnapè 400 mawozo yo, depi 11 avril 2021 an, lage 22 avril 2021


Ekri jou jedi 22 avril 2021

Pòtoprens, 22 avril 2021 [AlterPresse] --- Bandi 400 Mawozo resi lage, aswè jedi 22 avril 2021 an, 3 nan 9 otaj, yo te kontinye kenbe, apre kidnapin yo te fè nan Kwadèboukè dimanch 11 avril 2021 an, dapre sa AlterPresse aprann.

Otaj ki lage yo, se 3 nan 7 relijye ki andedan gwoup moun, bandi yo te fè dappiyanp sou yo an.

Pot pawol Konferans ayisyen relijye yo (Chr), Pè Gilbert Peltrop, konfime enfòmasyon an, nan yon entèvyou li bay AlterRadyo.

Li presize gen 6 lòt moun, pami yo 2 natif natal peyi Lafrans, ki ta sanble toujou anba men bandi ak zam 400 Mawozo yo.

Yon premye otaj, yon fanm ki nan 70 zan yo, te gen tan lage, mèkredi 14 avril 2021 an, apre yo te fin bay bandi yo yon kantite 50 mil dola. [apr 22/04/2021 21:00]