Pòtoprens, 09 mars 2021 [AlterPresse] --- Direksyon politik opozisyon demokratik lan(Dirpòd) di fòk Leta garanti dwa pou fanm fè politik, okipe responsablite pou dirije nan tout nivo nan peyi d Ayiti, nan yon nòt ki rive jwenn AlterPresse.
Nan okazyon jounen 8 mas 2021 an, ki se jounen entènasyonal dwa fanm, Dirpod fè konnen li pran angajman « pou kontinye batay, bò kote fanm yo ak pèp ayisyen an, pou fè respekte dwa yo ak valè demokratik yo ».
Dirpòd denonse zak maspinay, ki toujou ap mete dlo nan je fanm nan sosyete a.
Dirpod site plizyè ka zak ansasinay, ki fèt, madi 16 fevriye 2021 an, sou titi ak fanm, tankou ka Olsmina Jean, yon ti pitit fi 5 lane bandi rache nan men manman l, Matisan, pandan mwa fevriye 2021an.
Bandi yo te kidnape ti fi 5 lane sa a, epi al lage kadav li sou yon pil fatra, kèk jou apre, paske manman l pa t ka jwenn lajan pou ba yo.
Dirpod fè sonje tèu kò ansasinay sou Evelyne Sincère, fanmi l t al jwenn kò l, dimanch premye novanm 2020, sou yon pil fatra, apre bandi ak zam te kidnape l jedi 29 oktòb 2020, fè kadejak sou li ak fè l sibi anpil lòt imilyasyon.
Dirpòd kritike otorite yo ki poko janm fè anyen, pou bay fanm ak ti fi, ki viktim yo, jistis kòmsadwa. [emb rc apr 03/09/2021 14:40]
Consulter +
