Pòtoprens, 26 janvye 2021 [AlterPresse] --- Apremidi lendi 25 janvye 2021 an, yon elèv lekòl lise nasyonal Monwi, depaatman Latibonit, mouri la pou la, anba bal, nan moman yon bouch louvri ant 2 chofè motosiklèt, dapre enfòmasyon otorite lokal yo konfime bay AlterPresse.
Elèv sa a pran yon bal, li mouri la poula, pandan 2 chofè yo t ap twoke kout zam, nan moman bouch louvri sa a.
Chofè, ki t ap twoke kout zam yo, te soti pou lage pye yo. Men, gen moun nan popilasyon an ki rapousib yo. Y al kenbe yo byen lwen, dapre sa otorite yo presize.
Nan moman nou te pran enfòmasyon an, yo potko rive ak yo, nan komisarya lapolis Monwi a . [apr 26/01/2021 09:45]
Consulter +
