Pòtoprens, 28 desanm 2020 [AlterPresse] --- 15 moun yo arete, plis yo sezi 4 machin yo te vòlò : se bilan operasyon Lapolis di li mennen, nan baz gang 400 mawozo, nan komin Kwadèboukè, byen bonè dimanch 27 desanm 2020 an, dapre sa potvwa Lapolis la, Gary Desrosiers, fè AlteerPresse/AlterRadio konnen.
Plizye inite espesyalis nan Lapolis lan te sou teren, nan objektif pou yo te rive kraze gang 400 mawozo a, k ap simen latwoublay depi kèk tan, nan komin kwadèboukè an.
Premye minis Joseph Jouthe bat bravo pou sa l rele gwo operasyon, Lapolis la mennen nan baz gang 400 marozo a.
Joseph Jouthe deklare gang ak zam yo p ap jwenn souf, anba operasyon Lapois la ap fè kont yo.
Li di li pase lapolis la enstriksyon, pou pèmèt popilasyon an ale nan aktivite l komsadwa. [jep emb rc apr 28/12/2020 08:50]
Consulter +
