Pòtoprens, 23 desanm 2020 [AlterPresse] --- Lapolis nasyonal deklare li gen nan men l 21 moun, li arete, nan kad operasyon li tanmen depi vandredi 4 desanm 2020 an, nan vilaj dedye, dapre enfòmasyon ajans AlterPresse ranmase.
Pami 21 moun sa yo, lapolis ap poze kesyon, genyen ki nan koneksyon ak chèf gang G9 an fanmi ak alye Jimmy Chérizier, yo plis konnen sou non Babekyou, dapre deklarasyon pòtvwa Lapolis lan, Garry Desrosiers, fè nan yon kozman ak laprès, madi 22 desanm 2020 an.
Ta gen bandi, ki konn kore chèf gang Izo 5 segonn, lapolis lan arete tou, toujou nan menm operasyon sa yo.
Dapre Gary Desrosier, moun sa yo jwenn arestasyon yo, nan moman yo t al pote sipò bay gwoup gang ak zam k ap opere nan vilaj dedye.
Ant 15 novanm pou rive 22 desanm 2020 an, Lapolis nasyonal fè konnen li sezi, nan divès operasyon, 20 zam, 10 pistolè, 2 revolvè kalib 38, 3 bwat katouch ak 4 mil dola ameriken. [jep emb rc apr 23/12/2020 09:45]
Consulter +
