Pòtoprens, 16 desanm 2020 [AlterPresse] --- 16 desanm 2020 an fè 30 lane, depi popilasyon ayisyen an te reyisi patissipe, pou premye fwa nan istwa l, nan eleksyon demokratik, dapre sa ajans AlterPresse fè sonje.
Kandida pati politik Fwon nasyonal pou chanjman ak demokrasi (Fncd), Jean Bertrand Aristide, ta pral vini premye prezidan, ki soti nan eleksyon demokratik, nan peyi an.
Eleksyon 16 desanm 1990 yo te fèt sou Ertha Pascal-Trouillot, ki te premye fanm prezidant peyi d Ayiti.
Lyetnan jeneral Raoul Cédras pral bay Jean Bertrand Aristide yon koudeta, nan dat 30 septanm 1991, ki pral lakoz anpil moun mouri.
16 desanm 1990 lan rete yon gwo dat, pou manm pati politik Fanmi Lavalas, Jean Bertrand Aristide pral mete kanpe apre l fin monte sou pouvwa a, aloske gen lòt pati politik ki wè moman sa a kòm koumansman malè popilasyon ayisyen an.
Depi eleksyon 1990 yo jis kounye a, peyi d Ayiti ap fè fas kare ak anpil boulvès politik, ki lakoz anpil moun mouri, san lajistis pa janm fè limyè sou zak maspinay dwa moun sa yo. [rf emb rc apr 16/12/2020 14:40]
Consulter +
