Ayiti-Jistis/Ensekirite : Lapolis simen gaz lakimojèn, sou plizyè moun, ki te pran lari pou kontinye mande jistis pou elèv Evelyne Sincère

Pòtoprens, 10 nov. 2020 [AlterPresse] --- Lendi 9 novanm 2020 an, tankou l abitye fè l, lapolis nasyonal simen gaz lakimojèn, sou plizyè moun, ki te pran lari, nan Pòtoprens, pou kontinye mande jistis ak reparasyon pou elèv Evelyne Sincère, fanmi l te jwenn mouri sainen, dimanch premye novnm 2020 an, nan Dèlma 24, dapre enfòmasyon ajans AlterPresse ranmase.

Gen pou pi piti 2 machin, ki gen plak sèvis Leta, ki boule.

Manifestan yo denonse otorite yo, ki kwaze bwa yo douvan zak bandi ak zam, k ap simen yon klima laterè nan peyi an.

Moun, ki t ap manifeste, nan lari Pòtoprens,, lendi 9 novanm 2020 an, di y ap rete mobilize, jouk Evelyne Sincère ak tout lòt moun, ki viktim zak bandi, nan peyi an, jwenn jistis tout bon vre. [rf emb rc apr 10/11/2020 11:15]