Pòtoprens, 5 novanm 2020 [AlterPresse] --- Kèk jou aprè Lapolis te mete anons rechèch dèyè l, paske yo sispèk li ta gen men l tranpe nan lanmò Evelyne Sincère lan, Obed Joseph yo plis konnen sou non Kiki, ta deja nan men lapolis, daprè enfòmasyon ki rive jwenn AlterPresse.
Se chèf gwoup gang G9 an fanmi ak alye l yo, ansyen polisye nasyonal Jimmy Cherizier, yo plis konnen sou non Barbecue, Lapolis te di tou l ap chèche, ki te met men sou Obed Joseph.
Sou rezo sosyal yo, nan lannuit mèkredi 4 novanm 2020 an, Jimmy Cherizier fè konnen li mete men sou Obed Joseph, nan Dèlma 6, kote baz G9 an fanmi ak alye l yo ye.
Se dimanch maten premye novanm 2020 an, yo dekouvri, sou yon pil fatra, nan Dèlma 24, kò jèn fi 21 lane, Évelyne Sincère, bandi te sasinen, apre yo te dappiyanp li, jedi 29 oktòb 2020 an. [rf emb rc apr 05/11/2020 14:10]
Consulter +
