Pòtoprens, 04 novanm 2020 [AlterPresse] --- Inogirasyon, madi 3 novanm 2020 an, nouvo lokal lakou dèkont lan, nan ri lareyinyon, nan sant vil Pòtoprens, an prezans plizyè ofisyèl Leta, dapre enfòmasyon ki vin jwenn ajans AlterPresse.
Nouvo lokal lakou dèkont lan, ki genyen 6 etaj, koute 31 milyon dola ameriken, dapre prezidan Lakou dèkont mèt Rogavil Boisguéné.
Konstriksyon nouvo lakou dèkont lan antre nan kad pwojè Leta, pou konstwi 20 batiman piblik, kite kraze nan moman tranbleman tè madi 12 janvye 2010 lan.
Se gouvènman ayisyen an ak Fon monetè entènasyonal (Fmi), ki bay lajan pou kontriksyon nouvo lokal lakou dèkont lan.
Nan seremoni inogirasyon, madi 3 novanm 2020 an, prezidan Jovenel Moïse te pwofite mande otorite konsène yo pran bonjan dispozisyon, pou fè limyè sou ansasinay Evelyne Sincère lan ak tout lòt ka krim san parèy, bandi ap plede fè nan peyi an, dènye tan sa yo.
Yon lòt bò, li fè konnen l ap òganize eleksyon nan peyi an, nan lane 2021 an.
Anplis Jovenel Moïse, te gen premye minis li Joseph Jouthe, minis jistis la Rockfeller Vincent ak plizyè lòt otorite, ki te patisipe nan inogirasyon nouvo lokal lakou dèkont lan, madi 3 novanm 2020 an, nan Pòtoprens. [rf emb rc apr 04/11/2020 09:25]
Consulter +