Wanament (Nòdès peyi d Ayiti), 27 oktòb 2020 [AlterPresse] --- Apre yon chita pale, sitiyasyon an retounen nan nòmal li, sou fontyè Wanament / Dajabon nan, nan depatman Nòdès peyi a, kote otorite domiken yo te entèdi ayisyen al vann machandiz nan mache binasyonal lan, dapre enfòmasyon AlterRadio/AlterPresse ranmase.
Desizyon, otorite dominiken yo te pran, pou entèdi Ayisyen al vann machandiz nan mache binasyonal lan, te lakoz gwo panik, sou fontyè a.
Finalman, sitiyasyon an rantre nan nòmal, apre yon chita pale ant responsab sou fontyè nan 2 peyi yo.
Pami dispozisyon, otorite dominiken yo te vle pran yo, yo te fè konnen se sèlman pwodui dominiken yo,ta ki pou vann nan mache binasyonal lan, alòske Ayisyèn ak Ayisyen yo se sèlman achte yo t ap kapab vin achte.
Dispozisyon sa a te lakòz gen gwo leve kanpe, sou fontyè an, dapre ajan enterimè Wannament lan, Démétrius Luma, ki t ap pale ak AlterRdio/AlterPresse.
Si mache binasyonal lan pa t egziste, sitiyasyon moun Nòdès yo te ka pi malouk, dapre Démétrius Luma. [rf emb rc apr 27/10/2020 11:15]
Consulter +
