Pòtoprens, 27 oktòb 2020 [AlterPresse] --- Egzije Leta satisfè demann yo, pou yon lòt kalte edikasyon. Se toujou revandikasyon sendika pwofesè yo, ki lanse dezyèm pati mobilizasyon yo an, daapre enfòmasyon ajans AlterPresse ranmase.
Dezyèm pati mobilizasyon pwofesè yo, se toujou nan lide pou kontinye egzije Leta pran desizyon satisfè demann sendikalis yo, pou yon lòt kalte edikasyon, dapre sa sendika pwofesè yo esplike, nan yon kozman ak laprès, lendi 27 oktòb 2020 an.
Fason ministè edikasyon nasyonal te òganize ekzamen ofisyèl yo, nan mwa oktòb 2020 an, pou elèv nevyèm ane fondamantal, filo ak nouvo sekondè (Ns4), ap gen move efè sou lavni elèv yo. Li klè pa t gen bon jan kondisyon, pou ekzamen ofisyèl sa yo te byen pase, dapre analiz sendika pwofesè yo.
Menm lè li te rekonèt te gen kandida, ki pat jwenn fich pou konpoze nan depatman lwès la, Ministè edikasyon nasyonal ak fòmasyon pwofesyonèl te, kanmenm, bat bravo pou jan li te òganize ekzamen ofisyèl sa yo.
Nan Lilavwa, Kwadèboukè, te gen yon sant, kote ekzamen yo pa t rive fèt komsadwa, akoz deblozay kèk kandida te fè. [rf emb rc apr 27/10/2020 11:05]
Consulter +