Pòtoprens, 27 oktòb 2020 [AlterPresse] --- Popilasyon ayisyen an dwe leve kanpe kont sitiyasyon malouk, y ap viv jodi a.
Ekip tèt kale, ki sou pouvwa an, gen gwo responsablite, nan klima laterè, ki blayi nan kat kwen peyi d Ayiti. Se dizon rezo moun, ki pote plent nan dosye PetwoKaribe an, dapre enfòmasyon ki vin jwenn AlterPresse.
Youn nan avoka, k ap defann moun ki pote plent, nan dosye PetwoKaribe an, mèt Maurice Noël, di li pa konprann kouman fè otorite yo mete zam nan men yon gwoup moun, pou mete popilasyon an nan yon sitiyasyon laterè.
Avoka, k ap defann moun ki pote plent, nan dosye PetwoKaribe an, swete gouvènman tranzisyon, ki pral enstale nan peyi a, apati lane 2021 k ap vini an, batay, pou pèmèt lapè retounen nan peyi d Ayiti. Yon fason, pou tout moun kapab menen aktivite yo san kè sote.
Semenn pase a, kantite ka kidnaping yo ogmante nan peyi an, dapre sa Aksyon entènasyonal dwa moun (Aidh) konte.
Aksyon entènasyonal dwa moun mande gouvènman tèt kale an, pran bon jan dispozisyon kont zak kidnaping yo, sou teritwa nasyonal lan. [rf emb rc apr 27/10/2020 10:40]
Consulter +
