Pòtoprens, 22 oktòb 2020 [AlterPresse] --- Direksyon jeneral Lapolis nasyonal d Ayiti di li regrèt zak, kote ajan Direksyon santral lapolis jidisyè (Dcpj) touye yon ajan Inite sekirite jeneral palè nasyonal (Usgpn), Jean Rosener Glezil, lannuit mèkredi 14 pou louvri jedi 15 oktòb 2020 an, nan yon otèl, nan Pòtoprens, dapre enfòmasyon ki vin jwenn ajans sou entènèt AlterPresse.
Direksyon jeneral Lapolis la fè konnen tout polisye, ki pa nan sèvis, ki an sivil, dwe koube yo anba lòd sila, ki nan operasyon yo.
Li nesesè pou tout moun kolabore avèk frè zam yo pou garanti antant anndan enstitisyon an epi fasilite tout operasyon lapolis, ki pou garanti sekirite piblik lan.
yon lòt bò, direktè jeneral lapolis la, Rameau Normil, mande polisye yo reprann tèt yo epi kontinye montre yo gen disiplin, yo se pwofesyonèl, pou rive garanti pwoteksyon ak sekirite popilasyon ayisyen an. [jep emb rc apr 22/10/2020 10:30]
Consulter +