Pòtoprens, 22 oktòb 2020 [AlterPresse] --- Sendika chofè yo ap kontinye batay, pou fòse otorite yo desann gaz lan tout bon vre nan peyi an. Sa ki va pèmèt popilasyon ayisyen an rale on souf.
Se sa sendika chofè, yo rele Mouvman inifye transpòtè ayisyen yo, fè konnen, nan yon entèvyou li bay AlterRadio/AlterPresse.
Lè dola a pot ko bese sou mache lokal lan, yon galon gazolin te koute mwens pase 2 dola ameriken.
Jodi a, avèk dola a, ki vinn desann nan, pri menm galon gaz sa a vo plis pase 3 dola ameriken.
Se konsta sendika chofè, yo rele Mouvman inifye transpòtè ayisyen yo, ki kwè se monte, pri gaz yo monte, olye yo desann.
Kòdonatè Mouvman inifye transpòtè ayisyen yo, Duclos Benissoit, di li pa pran oserye twit prezidan an fè, kote l mande otorite konsènen yo pran dispozisyon, pou kontinye desann pri gaz yo sou mache ayisyen an.
Jovenel Moïse di li swete otorite konpetan yo desann, sou mache nasyonal lan, pri gaz blan ak dyezèl lan, ki desann sou mache entènasyonal lan. [jep emb rc apr 22/10/2020 10:50]
Consulter +
