Ayiti-Jistis : Gen plizyè eleman, ki te nan dosye kò sasinay, 28 dawout 2020 an, sou mèt Monferrier Dorval lan, ki disparèt

Pòtoprens, 22 oktòb 2020 [AlterPresse] --- San grèf tribinal sivil Pòtoprens lan pa kase, gen plizyè eleman, ki te nan dosye kò sasinay, 28 dawout 2020 an, sou mèt Monferrier Dorval lan, ki disparèt, lannuit lendi 19 pou rive madi 20 oktòb 2020 an, dapre enfòmasyon ki vin jwenn AlterPresse.

Detan li anonse lòt mouvman, pou anpeche dosye mèt Monferrier Dorval lan mouri al nan tiwa, bawo lòd avokat ak avoka Pòtoprens yo ap poze tèt li kesyon, sou ki volonte ki genyen, pou fè lajistis blayi nan peyi an.

Se paske telefòn batonye a pa t nan menm espas ak lòt pyès nan dosye a, ki fè yo pa rive pran l. Deklarsyon mèt Robinson Pierre-Louis, sekretè jeneral Bawo lòd avokat ak avoka Pòtoprens yo.

Mèt Robinson Pierre-Louis fè konnen tou moun, yo pa rive idantifye, reyisi ale ak yon telefòn, ki se pwopriyete youn nan moun, ki nan prizon nan kad dosye a.

Pierre-Louis di li gen konfyans dosye sa a ap rive nan bout li. [jep emb rc apr 22/10/2020 10:20]