Pòtoprens, 21 oktòb 2020 [AlterPresse] --- Ant mwa janvye 2020 pou rive mwa oktòb 2020 an, rasanbleman sitwayèn ak sitwayen Nou p ap dòmi konte 944 Ayisyèn ak Ayisyen, ki tonbe anba bal nan peyi an, dapre sa li ranmase nan men òganis dwa moun nan peyi a.
Nou p ap dòmi swete yon leve kanpe jeneral, kont sitiyasyon laterè sa a, nan yon pozisyon ki vin jwenn ajans AlterPresse.
Nan sans sa a, Nou p ap dòmi lanse yon kanpay nan lari, apati madi 20 oktòb 2020 an, pou denonse enpinite ak jan yo pase anba pye lavi nan peyi a.
Kanpay sila a ap fèt nan kad batay pou lavi a, ki se batay pou kwape tout rejim bout di ak dirijan chaloska, k ap trete ayisyen kou zannimo y ap trennen labatwa, dapre rasanbleman Nou p ap dòmi. [jep emb rc apr 21/10/2020 09:55]
Consulter +
