Pòtoprens, 19 oktòb 2020 [AlterPresse] --- Se jounen lendi 19 oktòb 2020 an, Biwo nasyonal ekzamen Leta (Bunexe) tanmen ekzamen ofisyèl bakaloreya, pou sekondè tradisyonèl ak nouvo sekondè (Ns4), sou tout teritwa nasyonal la, dapre sa AlterPresse wè.
Plis pase 119 mil 287 kandidat ak kandida dwe konpoze pou bakaloreya sekondè tradisyonèl la (filo). Pami yo, gen 105 mil 530 nouvo kandidat ak kandidat, epi 13 mil lòt elèv ki pa t pase, nan ekzamen yo te sibi deja.
Lendi 19 oktòb 2020 an, elèv sekondè tradisyonèl la konpoze nan filozofi ak byoloji, alòske elèv nan nouvo sekondè a ap konpoze nan chimi. [emb rc apr 19/10/2020 10:55]
Consulter +
