Pòtoprens, 12 oktòb 2020 [AlterPresse] --- Sektè demokratik ak popilè a ak plizyè lòt òganizasyon politik nan opozisyon an anonse yon mobilizasyon, samdi 17 oktòb 2020 an, pou chavire ekip tèt kale, ki sou pouvwa a, nan yon nòt yo voye bay ajans AlterPresse.
Pa gen ankenn dyalòg ki posib ak prezidan Jovenel Moïse, ki montre li sitire plizyè masak ki fèt nan peyi an, sitou nan katye popilò yo.
Detan yo leve lavwa kont kò sasinay, 28 dawout 2020 an, sou mèt Monferrier Dorval, Òganizasyon politik sa yo lonje dwèt sou ajan Inite sekite jeneral palè nasyonal (Usgpn) , ki touye, nan dat vandredi 2 oktòb 2020 an, etidyan Grégory Saint-Hilaire, andedan lokal Lekòl nòmal siperyè, youn nan fakilte Inivèsite Leta d Ayiti an.
Yo mande popilasyon, nan 4 kwen peyi an, leve kanpe, pou kontinye mande Jovenel Moïse kite tèt peyi a, pou yo ka enstale yon gouvènman tranzisyon, pou mennen bak peyi an. [rf emb rc apr 12/10/2020 14:50]
Consulter +
