Pòtoprens, 12 oktòb 2020 [AlterPresse] --- Apèn yon ekip moun desann yon otobis, ki te soti Pòtoprens, rive Okap, yon ekip bandi ak zam, ki te sou motosiklèt, louvri kout zam sou yo. Se te bò 11 zè diswa, lannuit samdi 10 oktòb 2020 an, nan zòn Vètyè, nan kafou Nazarèt.
Pou pi piti, 2 moun mouri anba bal, dapre sa ajan enterimè Okap lan di ajans AlterPresse.
Lajistis nan Okap poko f limyè sou dram sa a. [jep emb rc apr 12/10/2020 09:50]
Consulter +
