Pòtoprens, 8 oktòb 2020 [AlterPresse] --- Lapolis nasyonal d Ayiti rekonèt, gen moun ki viktim zak kidnaping, anba men moun k ap sèvi ak inifòm lapolis, dapre plizyè plent k al jwenn Direksyon santral lapolis jidisyè, pandan jou ki sot pase yo.
Pòt pawòl lapolis la, MichelAnge Louis-Jeune, pwomèt y ap travay pou pote solisyon nan pwoblèm sa a.
Li pwofite fè popilasyon an konnen tout operasyon, lapolis ap mennen yo, toujou fèt nan machin lapolis ak plak lapolis, pou pèmèt popilasyon an wè ki lè se polisye k ap mennen yon operasyon, k ilè se bandi ki gen move entansyon.
Machin ensekirite a kontinye ap simen dèy nan peyi a, malgre dispozisyon otorite yo anonse pou kwape fenomèn sa a.
Lopital Doktè Raoul Pierre-Louis, ki trouve l Kafou, kanpe travay, depi mèkredi 7 oktòb 2020 an, pou denonse kidnaping, lendi pase 5 oktòb 2020 an, sou Doktè Yghor Myrtho Figaro. [rf emb rc apr 08/10/2020 09:45]
Consulter +