Politik : Depite ameriken Maxine Waters mande pou kanpe sou tout demach pou òganize eleksyon nan peyi d Ayiti

Pòtoprens, 07 oktòb 2020 [AlterPresse] --- Depite, ki nan Pati demokrat ameriken an, Maxine Waters, mande reprezantant Etazini nan peyi d Ayiti, Michèle Sison, sèvi ak enflyans diplomatik li, bò kote gouvènman ayisyen an, pou fè pwomosyon anfavè respè dwa moun epi pou kanpe ankwa, pou eleksyon pa fèt nan peyi a, nan kontèks latwoublay, ki genyen sou teritwa nasyonal lan.

Tout demach, pou oganize eleksyon nan peyi an, kapab kreye latwoubaly ak vyolans nan peyi d Ayiti, dapre sa Maxine Waters di, nan yon lèt li voye bay Michèle Sison, ki rive jwenn AlterPresse.

Ayiti ap fè fas ak latwoublay ak vyolans, detan prezidan Jovenel Moise ap prepare l, pou l oganize eleksyon nan peyi a.

Demach sa a, jan li fèt la, pase lalwa peyi a anba pye, daprè majorite moun ak òganizasyon. [rf emb rc apr 07/10/2020 16:15]