Pòtoprens, 06 oktòb 2020 [AlterPresse] --- Ouvriyèz ak ouvriye yo manifeste, lendi 5 oktòb 2020 an, douvan Sosyete nasyonal pak endistri yo (Sonapi), nan Pòtoprens, nan objektif pou kontinye egzije pi bon kondisyon travay nan faktori yo, daprè enfòmasyon AlterPresse rasanble.
Ouvriyèz ak ouvriye faktori yo lonje dwèt sou patwon izin sa yo, yo konsidere k ap touche lajan asirans sou yo, alòske yo pa janm jwenn ankenn sèvis, lè yo gen bezwen.
Pi lwen, yo mande demisyon prezidan Jovenel Moïse nan peyi an, paske, daprè sa yo fè konnen, chèf Pati ayisyen tèt kale an (Phtk) pa sispann marinen gwo konplo ak patwon izin yo, kont ouvriyèz ak ouvriye yo. [rf emb rc apr 06/10/2020 10:35]
Consulter +
