Pòtoprens, premye oktòb 2020 [AlterPresse] --- Pri gaz ak pri pwodui, moun plis bezwen yo, ta dwe desann, paske dola a pèdi valè douvan goud lan.
Se dizon pati politik Pitit Desalin, ki lonje dwèt sou responsablite plizyè bank komèsyal, nan sitiyasyon malouk peyi d Ayiti jounen jodi a, nan yon kozman ak laprès li bay mèkredi 30 oktòb 2020 an, ajans AlterPresse te suiv.
Pati politik Pitit Desaalin deklare li pa dakò ak sikilè 114-2 Bank tout bank yo, yo plis konneen sou non Bank santral, ki konsène fason pou mezon transfè yo peye transfè yo, nan goud ak nan monnen etranje yo.
Sikilè sa a, yo ta dwe koumanse suiv apati premye oktòb 2020 an, kapab fè plis pase 20 mil moun pèdi travay yo, daprè ansyen kandida pou pòs prezidan an, Jean Charles Moïse.
Sekretè jeneral Pitit Desalin nan, Jean Charles Moïse, denonse minis komès ak endistri a, Jonas Coffy, li di, ki pa vle pran ankenn dispozisyon, pou pèmèt pri pwodui sa yo gen tan bese nan peyi an, alòske dola pa sispann bese depi kèk jou.
Pati politik Pitit Desalin fè konnen pral gen gwo mobilizasyon, douvan plizyè bank ak biznis k ap fè kòmann pwodui lòt bò, nan objektif pou ekzije pou dola a kontinye desann ak pou biznis k ap plase kòmann lòt bò yo bese pri pwodui yo.
Nan dat prmye oktòb 2020 an, yon moun bezwen 65 goud pou yon dola ameriken, alòske, nan mwa pase yo, dola ameriken te vo plis pase 100 goud. [rf emb rc apr 01/10/2020 10:05]
Consulter +
