Ayiti-Jistis : Asosyasyon nasyonal majistra ayisyen yo denonse menas lanmò, majistra fanm Wendelle Coq, manm Lakou Kasasyon an, ap resevwa nan telefòn

Pòtoprens, 28 septanm 2020 [AlterPresse] --- Asosyasyon nasyonal majistra ayisyen yo (Anamah) denonse menas lanmò, majistra fanm Wendelle Coq, manm Lakou Kasasyon an, ap resevwa, depi plizyè jou, nan telefòn, nan yon kominike ki rive jwenn AlterPresse.

Anamah di li pa nòmal pou majistra yo ap resevwa menas sou kèlkeswa fòm nan, sitou yon majistra tankou Wendelle Coq, ki pa janm fè ankenn zak Konstitisyon ak Lalwa pa pèmèt li.

Asosyasyon nasyonal majistra ayisyen yo mande otorite yo nan lapolis, pou yo pran menas sa yo oserye epi garanti sekirite majistra fanm Wendelle Coq. [jep emb rc apr 28/09/2020 09:45]