Pòtoprens, 18 septanm 2020 [AlterPresse]--- Santral nasyonal ouvriyèz ak ouvriye ayisyen yo (Cnoha) mande peyi Etazini, pa foure bouch li nan zafè eleksyon pèp ayisyen an, nan yon nòt ki rive jwenn AlterPresse.
« Eleksyon, se yon zak granmoun, dwa grandèt majè pyi an. Se zafè pèp Ayisyen an ».
Santral nasyonal ouvriyèz ak ouvriye ayisyen yo di, li voye jete byen lwen « tout deklarasyon kolon enperyalis yo, eman dspesyalman deklarasyon ti kolon, nan anbasad yankee Usa yo, ap fè sou zafè eleksyon nan peyi d Ayiti ».
Mas pèp la, se yo ki plis viktim anba men enperyalis yo ak kapitalis la.
Santral nasyonal ouvriyèz ak ouvriye ayisyen yo ankouraje tout pèp ayisyen an kontinye mobilize san pran souf, nan tout peyi a, jiskaske Jovenel Moïse kite pouvwa a ak tout akolit li yo.
Li mande pou mete kanpe yon pouvwa tranzisyon granmoun tèt li, pou pote solisyon nan revandikasyon mas pèp la, jan tout sektè yo mande sa.
Peyi Etazini mande prese prese pou kreye yon nouvo Konsèy elektoral pwovizwa (Kep), pou fè eleksyon nan peyi d Ayiti.
Tout moun, ki pa dakò pou sa fèt, ap gen pou peye konsekans yo, daprè peyi Etazini, nan yon tweet, chaje ak menas, anbasad ameriken met deyò. [emb rc apr 18/09/2020 15:10]
Consulter +
