Pòtoprens, 02 septanm 2020 [AlterPresse] --- Kò sasinay, ki fèt sou batonye lòd avoka Pòtoprens lan, mèt Monferrier Dorval, lannuit vandredi 28 dawout 2020 an, sanble yon konplo ekip, ki sou pouvwa a, marinen.
Pèsonn pa epanye douvan vag laterè sa yo, k ap layite nan peyi a. Se dizon direktè egzekitif òganis dwa moun Sant Karl Lévèque (Skl), mèt Gardy Maisonneuve, ki t ap pale nan yon kozman ak laprès.
Oganis dwa moun Sant Karl Lévèque tou pwofite leve lavwa, kont atak ak zak dechèpiyay, ki fèt nan katye Bèlè, nan lannuit lendi 31 dawout 2020 an, kote bandi ak zam bay plizyè moun bal epi boule plizyè kay.
Youn nan rezon, ki ta lakoz kò ansasinay sou mèt Monferrier Dorval lan, se dèske l te derefize asepte pou avoka yo ta voye reprezantan nan Konsèy elektoral pwovizwa, Jovenel Moïse vle monte san gade dèyè a, daprè revelasyon ansyen depite Jean Robert Bossé, nan yon nòt li voye bay laprès.
Mete sou sa, Mèt Monferrier Dorval pa t vle patisipe nan komisyon ki gen pou misyon travay sou refòm Konstitisyon an, ki gen nan tèt li Konseye prezidan an, Guichard Doré. [jep emb rc apr 02/09/2020 09:55]
Consulter +
