Pòtoprens, 21 dawout 2020 [AlterPresse] --- Sou inisyativ Rasanbleman pou diyite AYITI (Radi), divès òganizasyon politik ak sosyal siyen, vandredi 21 dawout 2020 an, nan Pòtoprens, yon deklarasyon, kote yo pran angajman pou mete yon bout tout bon nan briganday rejim Jovenel Moïse / Pati ayisyen tèt kale an ap foure peyi a depi lontan, dapre enfòmasyon ajans sou entènèt AlterPresse ranmase.
Dechèpiyay nan kès leta, nan benefis ak enterè sila ki dappiyanp pouvwa politik lan, ekonomi an k ap pran baf, avèk goud lan k ap pèdi valè jou an jou douvan dola ameriken an, lavi chè san gade dèyè, divès ka maspinay dwa moun, avèk kò gang k ap kale toupatou, ak konplisite oswa benediksyon yon seri otorite, eleksyon fo mamit ekip ki sou pouvwa a vle marinen apati yon kat kont mal taye, mannèv pou eleksyon fo mamit ekip ki sou pouvwa a vle marinen apati yon kat kont mal taye, mannèv pou anpeche limyè fèt sou gagòt depans lajan PetwoKaribe an, dispozisyon pou sentre bas popilasyon an, chimen pou eseye tabli yon diktati, elatriye …
Se kèk pami konsiderasyon, òganizasyon politik ak sosyal sa yo fè, anvan yo siyen deklarasyon angajman 21 dawout 2020 an.
Yo ekzije pou Jovenel Moïse kite pouvwa a prese prese.
Yo pa di ki jan yo pral fè sa. Men yo anonse y ap fè suivi sou deklarasyon angajman 21 dawout 2020 yo pran an, detan y ap evite tout abolotcho…[rc apr 21/08/2020 16:00]
Consulter +
