Pòtoprens, 11 dawout 2020 [AlterPresse] --- Ouvriyèz ak ouvriye faktori Palm Apparel and Sewing International S.A. (Sisa), ki nan grèv depi 8 jou, òganize yon lòt mouvman pwotestasyon, jounen lendi 10 dawout 2020 an, dapre enfòmasyon ki vin jwenn ajans sou entènèt AlterPresse.
Se pou kontinye denonse lanmò 2 kanmarad anplwaye, ki pa t jwenn swen nesesè, malgre yo te retire sou lajan yo, pou peye asirans.
Mouvman an gen tou pou objektif : mande kreye pi bon kondisyon travay, pou ouvriyèz ak ouvriye yo.
Anplwaye yo lonje dwèt sou responsab faktori Sisa yo, yo di ki ta ap eseye, yon fason oubyen yon lòt, pou kraze mobilizasyon yo an.
Ouvriyèz ak ouvriye yo Sisa yo antann kontinye mouvman pwotestasyon sa a, jiskaske yo jwenn satisfaksyon nan revandikasyon yo a. [jep emb rc apr 11/08/2020 10:00]
Consulter +
