Pòtoprens, 11 dawout 2020 [AlterPresse] --- Akoz kantite elèv, ki pa t anpil nan divès lekòl, plizyè responsab lekòl te sètoblije ranvwaye rantre elèv yo pou lendi 17 dawout 2020 an.
Se ranmase Regwoupman edikasyon pou tout moun (Rept), pou lendi 10 dawout 2020 an, dat ministè edikasyon nasyonal te prevwa pou lekòl yo relouvri, apre plis pase 4 mwa kanpe, akoz mikwòb kowona an, nan yon deklarasyon li bay AlterRadio/AlterPresse.
Rantre ofisyèl aktivite lekòl yo rate. Se konsta sa a sekretè jeneral Rept la, Svetlana Alexandre, fè.
Pou Regwoupman edikasyon pou tout moun, poko gen bon jan kondisyon pou lekòl yo rekoumanse fonksyone, jan sa te ye, anvan gouvènman an te deklare li jwenn, jedi 19 mas 2020 an, 2 ka moun, ki trape mikwòb kowona an, sou teritwa nasyonal lan.
Dapre Rept, otorite yo sanble pèdi kontwòl maladi nouvo kowonaviris lan nan peyi a.
Nan deklaraasyon sa a bay AlterRadio/AlterPresse, Regwoupman edikasyon pou tout moun mande otorite ministè edikasyon nasyonal yo pran yon ti tan, pou defini kèk estrateji pou finisman lane lekòl 2019-2020 an, nan peyi a. [jep emb rc apr 11/08/2020 09:50]
Consulter +
