Pòtoprens, 20 jiyè 2020 [AlterPresse] --- Depi plis pase yon semenn, peyi d Ayiti ap viv ankò yon lòt ratman gaz brid sou kou nan peyi dAyiti, dapre sa ajans enfòmasyon sou entènèt AltèPrès konstate.
Fwa sa a, se dizèl moun pa ka jwenn.
Nan kèk zòn, gen anpil moun nan liy nan ponp gaz yo.
Prèske chak mwa, kounye an, toujou gen yon ratman gaz sanzatann, san okenn esplikasyon.
Dènye fwa an, anvan mitan mwa jen 2020 an, se gazolin moun pa t ka jwenn sou teritwa nasyonal lan.
Direktè jeneral Biwo monetizasyon program èd nan devlòpman (Bmpad), Fils-Aimé Ignace Saint-Fleur, te di, denyèman, pa t gen ratman gaz sou mache lokal la.
Minis komès ak endistri an, Jonas Cofy, te redi menm bagay lan.
Men, nan lari an, pawòl ofisyèl yo pa koresponn ak reyalite an. Chofè machin ak divès lòt moun pa kab jwenn dizèl nan ponp gaz yo. [jep emb rc apr 20/07/2020 11:35]
Consulter +
