Haiti
Atik

Ayiti-Anviwonman : Lagrèl nan divès katye Pòtoprens, dimanch apremidi 24 jen 2020 an


Ekri jou dimanch 28 jen 2020

Pòtoprens, 28 jen 2020 [AlterPresse] --- Bridsoukou, Lagrèl tonbe nan divès katye pòtoprens, nan moman yon gwo lapli sanzatann, dimanch apremidi 28 jen 2020 an.

Temwayaj, ki vin jwenn ajans enfòmasyon sou entènèt AltèPrès, fè konnen gen moun ki te ranmase ti moso glas lagrèl sa a.

Jan moun kakonprann sa, ti moso glas sa yo te fonn byen vit, pou tounen dlo.

Lapli dimanch apremidi 28 jen 2020 sa a te mache ak gwo kout van. An apre, li te vin pase.

Jis madi 30 jen 2020 an, espesyalis tan yo prevwa lapli sou depatman Latibonit, Plato santral, Grandans (tout zòn jeremi ak lòt komin depatman sa a) ak sou depatman lwès, kote Pòtoprens chita.

Se yon lòt boulvès nan tan an, sa yo rele nan langaj teknik yon lòt onn twopikal, ki lakoz lapli sa yo, sou yon seri depatman, nan koumansman apremi ak nan aswè, espesyalman pou lendi 29 jen 2020 an.

Kaptenn bato yo, chaloup, bwa fouye yo, dwe pran anpil prekosyon sou lanmè an.

Lanmè an ap move, l ap trè fò, sitou bò kòt Sid peyi d Ayiti, kote vag yo ap monte jis nan 9 pye wotè.

Bò kòt Nò yo, vag yo ap rive nan nivo 6 pye wotè.

Bò kòt zile Lagonav, vag yo ap rive nan nivo 5 pye wotè. [rc apr 28/06/2020 17:30]