Haiti
Atik

Ayiti : Yon gwo dife fè gwo dega nan Fakilte agwonomi ak metsin veterinè an


Ekri jou lendi 22 jen 2020

Pòtoprens 22 jen 2020 [AlterPresse] --- Lannuit samdi 20 rive dimanch 21 jen 2020 an, yon gwo dife pete nan Fakilte agwonomi ak metsin veterinè (Famv), nan nò kapital lan, daprè enfòmasyon ajans AltèPrès rive jwenn.

Pami dega yo, gen gwo domaj nan pati kote ki gen biwo pwofesè yo, nan biwo ki gen machin pou enprime dokiman, sa yo rele sèvis mimeyografi nan langaj teknik.

Gen domaj tou nan sèvis transpò, nan oditoryòm nan ak lòt espas teknik nan fakilte agwonomi ak metsin veterinè an.

Ponpye lakomin Taba yo, ki te la jis 9è dimanch maten 21 jen 2020 an, te rive anpeche dife a fè plis dega nan lokal fakilte Leta sa a, dapre responsab yo ki poko an mezi pou bay yon bilan sou kantite sa yo pèdi nan dife sa a. [rf emb rc apr 22/06/2020 09:40]