Pòtoprens, 04 jen 2020 [AlterPresse] --- Obsèvatwa sitwayèn ak sitwayen pou fè demokrasi an tounen yon enstitisyon gen entansyon soumèt yon petisyon, bay tout pati politik, senatè ak kandida, ki pral senatè ak depite yo, kote y ap pran angajman rete louvri pou diskite tout sijè ak rann kont sou sa y ap fè nan palman ayisyen an.
Moun, ki pral antre nan palman an, dwe pran responsabilite yo kòmsadwa nan peyi d Ayiti, dapre yon dokiman yo voye bay ajans enfòmasyon sou entènèt AltèPrès.
Se yon fason pou ekip depite ak senatè, ki gen pou vini, lè va gen eleksyon, nan peyi a, dwe gen yon konpòtman, ki depaman nètalkole ak vèni moun, ki te la anvan yo, te gen sou tèt yo.
Depite ak senatè, ki gen pou vini yo, dwe vote lwa sou nesesite pou moun, ki nan Leta yo rann kont, yon lwa ki pou pèmèt sitwayèn ak sitwayen yo kapab gen posiblite pou jwenn enfòmasyon piblik yo, san baboukèt.
Palman an ta dwe vote tou yon lwa, ki di ki jan pou chanm depite yo ak sena yo dwe mache. [rf emb rc apr 04/06/2020 14:05]
Consulter +
