Haiti
Atik

Ayiti : Reskonsab Kò entèvansyon pou tabli lòd, andedan Lapolis lan, Joël Gentillon, mouri lendi premye jen 2020 an, apre li pa t pote l byen


Ekri jou madi 2 jen 2020

Pòtoprens, 2 jen 2020 [AlterPresse] --- Mwens pase 24 èd tan, aprè lanmò komisè divizyonè nan lapolis nasyonal d Ayiti, Carmel Florent, gen yon lòt alatèt polis lan, komisè Joel Gentillon, reskonsab Kò entèvansyon pou tabli lòd, ki mouri, nan aswè lendi premye jen 2020 an, tousuit apre li pa t santi l byen, dapre sa ajans enfòmasyon sou entènèt AltèPrès aprann.

Poko gen ankenn presizyon, sou sa ki lakoz lanmò 2 komisè polis sa yo.

Responsab lapolis yo pwomèt yo pral fè analiz sou tou 2 kò sa yo, pou konnen vrè koz lanmò sa yo. [rf emb rc apr 02/06/2020 12:50]