Pòtoprens, 13 me 2020 [AlterPresse] --- Byen bonè, nan maten mèkredi 13 me 2020 an, otorite lasante peyi d Ayiti yo resevwa yon twazyèm lo materyèl ak ekipman, Leta ayisyen te kòmande nan men peyi Lachin, nan kad batay kont mikwòb Kovid-19 lan.
Nan twazyèm lo materyèl sa yo,nou jwenn 1 milyon 300 mil mas pou operasyon nan lopital, 112 mil 240 linèt ak 27 mil 350 gwo blouz, daprè sa ajans enfòmasyon sou entènèt AltèPrès aprann.
Gen yon katriyèm lo materyèl ak ekipman, ki ta dwe rive nan peyi a, nan aprèmidi mèkredi 13 me 2020 an, dapre minis sante piblik ak popilasyon an, doktè Marie Greta Roy Clément
Yon dezyèm lo materyèl ak ekipman lasante te rive nan peyi d Ayiti, jounen lendi 11 me 2020 an.
Premye lo materyèl, gouvènman ayisyen an te kòmande yo, te rive nan dat jedi 7 me 2020 an.
Gen 10 nouvo ka moun, ki trape mikwòb Kovid-19 lan, ak 2 nouvo ka lanmò anba epidemi an.
Ant jedi 19 mas pou rive lendi 11 me 2020 an, peyi d Ayiti gen 219 ka moun ki trape mikwòb kowonaviris lan.
Sou 219 ka sa yo, geen 184 moun k ap debat anba maldi Kovid-19 lan. 18 moun mouri ak 17 lòt geri. [rf emb rc apr 13/05/2020 15:15]
Consulter +
