Pòtoprens, 27 avril 2020 [AlterPresse] --- Plizyè manifestan, ki di yo se polisye nasyonal, ki manm gwoup «509 fantom», simen latwoublay, lendi 27 avril 2020 an, detan yo t ap mande Leta ogmante lajan sou kat debi yo a, dapre temwayaj ajans enfòmasyon sou entènèt AltèPrès ranmase.
Manifestasyon sa a lakoz yon sitiyasyon tansyon, nan zòn kafou wout Dèlma ak ayopò entènasyonal Pòtoprens.
Kout zam t ap chante, kawotchou t ap boule, espesyalman bò biwo santral Ona a, anfas Dèlma 17, kote manifestan polisye yo te fòse anplwaye enstitisyon sa a, ki te la, kite biwo a.
Bò 1è apremidi, lendi 27 avril 2020 an, nan nivo Dèlma 40 B, gen polisye nasyonal ki tire anpil zout zam anlè. Yo te pran direksyon Petyonvil.
Ant Dèlma 31 ak Dèlma 33, nan nivo Dèlma 53, te gen kawotchou ki t ap boule tou.
Nan zòn Nazon, manifestan polisye yo te kraze vit machinn sou wout la.
Yo te sezi kle machin nan men anpil chofè tou.
Yon sitiyasyon, ki te rann sikilasyon an vin pi konplike.
Pi ta, na apremidi lendi 27 avril 2020 an, gen plizyè machin ki boule nan ministè ekonomi ak finans, nan Pòtoprens. [rf emb rc apr 27/04/2020 16:00]
Consulter +
