Pòtoprens, 13 avril 2020 [AlterPresse] --- Kowòdonatris sendika Lapolis nasyonal d Ayiti an, Yanick Joseph, di li retire kò l kòm alatèt sendika a, nan yon lèt li voye bay manm komite sendika a, san l pa di pou ki rezon, dapre sa ajans enfòmasyon sou entènèt AltèPrès aprann.
« Nan moman ki te pi difisil yo, mwen te fè tout sa m kapab, pou m te jwe wòl pa m nan, avèk konpetans, respè lapawòl mwen te bay, san manke melanj », daprè sa Yanick Joseph ekri nan lèt sa a.
Nan Sendika Lapolis nasyonal d Ayiti an, gen plizyè polisye ki te fè premye manifestasyon yo, nan lane 2019 la, nan moman peyi a te bloke pou kòz politik. Se te yon fason pou mesye dam polisye sa yo te defann dwa yo epi mande yo respekte dwa yo nan enstitisyon Lapolis la.
Wo kòmannman Lapolis la, ki pa t dakò pou gen sendika anndan enstitisyon an, te deside revoke plizyè nan polisye sa yo, pami yo Yanick Joseph.
Aprè plizyè manifestasyon ak negosyasyon, Lapolis te oblije è polisye sa yo, yo te di yo revoke pou zak briganday, retounen kòmsadwa yo andedan Lapolis lan. [jep emb rc apr 13/04/2020 09:25]
Consulter +
