Pòtoprens, 13 avril 2020 [AlterPresse] --- Ministè sante piblik ak popilasyon an (Mspp) fè konnen, nan dat 12 avril 2020 an, li konte 3 moun ki mouri, pami 41 yo jwenn ki gen mikwòb Kovid-19 la (kowonaviris lan) nan san yo, nan peyi d Ayiti, dapre sa ajans enfòmasyon sou entènèt AltèPrès aprann.
Twazyèm moun, ki mouri nan nouvo kowonaviris lan, se yon gason 57 lane, ki t ap soufri anba lòt maladi, tankou kè, sik, tansyon ak pwoblèm nan ren, dapre Direktè sanitè lwès la, Doktè Martial Benêche.
Responsab la di li konstate popilasyon an pa pran oserye maladi Kowonaviris lan, alòske gen anpil moun ki koumanse gen mikwòb lan nan san yo, nan peyi a.
Gouvènman an ta dwe pran divès gwo dispozisyon, pou anpeche maladi a simaye nan peyi a, daprè Martial Benêche. [jep emb rc apr 13/04/2020 09:10]
Consulter +
