Potὸprens, 28 novanm 2018 [AlterPresse]--- Maten mèkredi 28 novanm 2018 lan, bandi ak zam touye anba katouch Dieujuste Jean Pierre, yon enspektè polis nasyonal peyi dAyiti, dapre sa pòt pawòl annaprè polis nasyonal la, Gary Desrosiers, fè konnen.
Sa pase nan zòn Matisan (sid Pòtoprens), kote bandi ak zam ap bay pwoblèm depi plizyè mwa.
Enspektè Dieujuste Jean Pierre resevwa plizyè katouch, detan li te sou wout pou l ale travay nan yon pòs polis sou Fò nasyonal, nan Pòtoprens.
Bandi yo, ki te sou motosiklèt, te reyisi, san kè sote, pran zam viktim lan epi ale avè l, dapre sa temwen rapòte.
Ant lendi 19 pou rive mèkredi 28 novanm 2018 lan, pou pi piti 3 polisye nasyonal pèdi lavi yo, nan zak ensekirite k ap vale tèren nan sosyete a, pandan dènye jou sa yo.
Nan menm mwa novanm 2018 lan, bandi ak zam te touye epi boule polisye nasyonal Junior Durosier, nan Lasalin, Pòtoprens, ak Jocelyn Charles nan zòn Miragwàn. [wdb emb rc apr 28/11/2018 14:10]
Consulter +
