Haiti
Atik

Ayiti-Jistis : Pwosè kont Clifford Brandt ak tout akolit li yo ranvwaye pou madi 4 desanm 2018


Ekri jou mèkredi 28 novanm 2018

Pὸtoprens, 28 novanm 2018 [AlterPresse]--- Pwosè kont biznisman Clifford Brandt ak tout akolit li yo ranvwaye pou madi 4 desanm 2018 la.

Pwosè sa a te dwe koumanse madi 27 novanm 2018 la, nan tribinal sivil nan Gonayiv (depatman Latibonit).

Men, Clifford Brandt ak tout akolit li yo pa t prezan, akoz latwoublay ki te genyen sou wout lan, nan dènye jou sa yo.

Se sa komisè gouvènman Gonayiv la, mèt Serard Gazius, fè AlterRadio konnen.

Se madi 30 oktòb 2018 lan dwayen tribinal sivil Gonayiv la, mèt Phonie Charles Norgaisse, te tande, pou premye fwa, Clifford Brantd ak akolit li yo, an relasyon ak dosye kidnaping biznisman lan te tranpe ladan.

Se nan dat lendi 22 oktòb 2012 lapolis nasyonal te arete Clifford Brandt, nan kad dosye kidnapping sou Coralie ak Nicolas Moscoso. [apr 28/11/2018 09:05]