Pòtoprens, 7 septanm 2018 [AlterPresse] --- Otorite dominikèn yo kontinye ap foule anba pye yo dwa migran ayisyen yo nan moman yap rapatriye yo an Ayiti. Pou premye semèn mwa septanm lan atravè depatman Nòdès ak Sant, sòlda dominiken yo voye tounen plizyè santèn ayisyen, nan move kondisyon.
Direktè biwo Gwoup kap apiye rapatriye ak refijye yo (GARR) nan beladè, ki twouve l nan depatman Sant, Rigard Orbé, di soti premye pou rive 4 septanm 2018 la yo konte anviwon 390 migran ayisyen gouvènman dominiken an voye retounen nan peyi a.
Rigard Orbé eksplike, sòlda dominiken yo bat ayisyen yo, kite yo san manje san yo pa fè okennn konsiderasyon ni pou timoun ni pou granmoun. [apr 07/09/2018 18:00]
Consulter +
