Ayiti : Akademi kreyòl ayisyen di mo pa l sou lanmò antwopològ Rachel Beauvoir Dominique

Kominike Akademi Kreyòl Ayisyen

Dokimn sa a vin jwenn AlterPresse 8 janvye 2018

Konsèy Administrasyon Akademi Kreyòl Ayisyen aprann, avèk anpil tristès, lanmò antwopològ Rachel Beauvoir DOMINIQUE. Tristès li pi pwofon toujou lè li konnen KONSÈY AKADEMISYEN an, nan Asanble Jeneral li, an desanm 2017 la, te vote pou li apwouve kandidati defen an kòm Akademisyèn. Se yon konpetans AKA pèdi, se yon konpetans peyi nou pèdi. Sa fè nou mal !

Akademi Kreyòl Ayisyen bese byen ba devan depouy antwopològ Rachel Beauvoir DOMINIQUE. Nou mande fanmi defen an, espesyalman Achitèk Didier DOMINIQUE, mari li, pou yo resevwa sensè kondòleyans AKADEMI an.

Pòtoprens, 8 janvye 2018