Pòtoprens, 28 avril 2015 [AlterPresse] --- Konsèy elektoral pwovizwa a (Kep) resevwa 111 demann moun ki pa dakò pou yon seri lot vin senatè ak depite.
Pami plizyè ka sa yo, nou jwenn non Sofya Senremi Mateli (Sophia Saint Remy Martely), ki se madanm prezidan Jozèf Michèl Mateli (Joseph Michel Martelly).
Gen tou Woudòl Boulos (Rudolph Boulos), ansyen senatè depatman Nòdès sena te pouse do, nan dat 18 mas 2008 pou koze nasyonalite ameriken. Boulos vle vin senatè nan Nòdès ankò.
Se sou banyè yon pati tou nèf, yo rele boukliye, madan Mateli enskri tèt li pou vini senatè, alòske pati Michel Mateli a rele Pati Ayisyen Tèt kale (Phtk).
Sofya Senremi Mateli, ki fèt nan vil New York, gen nasyonalite ameriken. Li poko ran kont, sou 234 milyon dola ameriken li t ap jere kòm prezidant komisyon kont malnitrisyon ak grangou, mari l te pran desizyon lonmen l nan dat 24 janvye 2012.
Se sa pou piti sis (6) moun, ki pa dakò enskripsyon l pou vini senatè depatman Lwès, repwoche l. [jep rc apr 28/04/2015 1:00]
Consulter +
