Omaj Lody Auguste pou ekriven ayisyen Davertige, ki mouri 25 jiyè nan Montreal
Dokiman sa a vin jwenn AlterPresse 27 jiyè 2004
Yon LEspri ki pa gen anyen pou wè
Ak sèvèl lasosyete domestike
Pandan y ap peze pwezi nan balans kon kafe.
Lespri Davertige se pito yon LEspri Fere
Ki pa pote anyen pou vann nan mache palto gran kòzè
Kote alyenasyon lote 2 pou 5 nan tout laye
Pou fè pwezi sispann gen valè li merite.
Davertige sitèlman jouke nan yon dimansyon sakre
Zòt toujou ap rakonte se yon moun deranje
Poutan, poèt fou sa a ranmase lisidite
Nan sous Omabarigore, kote moun rete moun vre.
LEspri Davertige ap toujou rete yon mistè
Pou tout save sosyete a fware.
Lody Auguste, Carrefour Feuilles
26 Juillet 2004
Consulter +
