Ayiti-Politik : Apre demisyon Conille, Martelly mande tout moun rete "tèt frèt"

Diskou prezidan Michel Martelly atravè medya yo, kèk èd tan apre demisyon premye minis Garry Conille 24 fevriye 2012

Pèp ayisyen,

Maten an Premye Minis Gary Conille prezante’m lèt demisyon’l e mwen aksepte li . Map pwofite remesye li pou angagman li te pran. Byen su mwen regret ke se nan moman ke peyi’a ap dekole ke sa rive.

Men rete poze. Mwen déjà pran kontak ak prezidan 2 chanm yo ki yo menm tou te resevwa yon kopi de let la. Nou pran angagman pou nou chita prese prese , pou mwen pwopoze yon nouvo Premye Minis.

Tout patnè natyonal e entenasyonal kap fè jefo pou envesti , kap kreye djob , map mande yo pou rete tèt frèt. Nou gen tan pran tout dispozityon pou ke Leta kontinye travay nomalman .

Ekzekitif la ak palman ki déjà ap travay pou soude bonjan relasyon, kom sa dwa, pral degage yo , rapido presto , pou tout bagay rantre nan plas yo .
Nou konnen ke Nou mèt konte sou mwen, menm jan mwen konte sou nou.
Mwen te fè nou pwomes. Pwomes se dèt.

Wè pa wè Viktwa a se pou pèp la !