Haiti
Atik

Enfòmasyon ak analiz

Ayiti / Repiblik Dominiken : Kanpay vaksinasyon sou fontyè a finisman avril 2006 la

Ekri jou lendi 24 avril 2006

Yon atik Marie Ludie Monfort
Pòtoprens, 24 avril 06 [AlterPresse] --- Soti 24 pou rive 29 avril 2006, Ayiti ak Repiblik Dominiken ap mennen yon kanpay vaksinasyon nan 4 zòn sou fontyè ant 2 peyi yo, dapre sa ajans sou Entènèt AltèPrès aprann.
Se tibebe ak fanm ansent ki pral resevwa dòz vaksen kont tibèkiloz, lawoujòl, difteri, tetanòs ak koklich.
Beladè / Elias Pina nan depatman Sant Ayiti, Gantye (toupre fontyè Malpaso / Jimani) nan depatman lwès, Tyòt (toupre mòn Bahoruco) nan Sidès ak Wanament / Dajabon nan depatman Nòdès peyi a : se 4 komin sa yo otorite 2 peyi yo chwazi sou 16 vil ki na 4 (...)

Ayiti - Eleksyon 21 avril : 1 moun mouri anba bal, apeprè 20 pousan moun vote

Ekri jou vandredi 21 avril 2006

Pòtoprens, 21 avril 06 [AlterPresse] --- Yon moun mouri anba bal, kèk lòt blese anba bal nan latibonit, epi lapolis nasyonal fè plizyè arestasyon : se bilan jounen eleksyon pou senatè ak depite, kote yon ti kras moun t al vote sou tout teritwa a, dapre enfòmasyon ajans an liy AltèPrès ranmase.
Se sèlman 20 sou chak 100 moun ki vote nan eleksyon pou senatè ak depite jounen 21 avril 2006 la an Ayiti, dapre Johan Van Hecke ki se chèf misyon obsèvasyon Inyon peyi Ewòp yo.
Van Hecke kwè moun ki nan laj pou vote yo pa t motive ase pou eleksyon sa yo. Se yopun nan rezon ki ta esplike yo p ap soti anpil (...)

Ayiti : Gouvènman Bush la bay ekip Latortue a move nòt nan zafè dwa moun

Ekri jou madi 11 avril 2006

Pòtoprens, 11 avril 06 [AlterPresse] --- Gouvènman meriken an bay ekip tranzisyon peyi d Ayiti move nòt nan sa ki gen awè ak kesyon dwa moun andedan peyi a, depi mas 2004 lè chèf Lavalas la, Jean-Bertrand Aristide, te fin kite pouvwa a.
Gouvènman meriken an di reny enpinite a gaye rèd mare, tankou se yon lwa ki chita toupatou pou moun pa sibi pinisyon yo merite pou zak yo komèt. Nan yon rapò li mete deyò sou sitiyasyon dwa moun nan peyi d Ayiti pou ane 2005-2006, gouvènman George Bush la di maspinay dwa fanm, trafik timoun ak prizonye k ap kanni nan prizon san jijman fè kenken nan peyi a. (...)

An Frans : Mouvman sosyal la sou wout pou tounen on mouvman politik

Ekri jou lendi 3 avril 2006

Pari, 3 avril 06 [AltèPrès] --- Lafrans pral viv on lòt gwo jounen grèv ak manifestasyon madi 4 avril la. Asosyasyon elèv lise, etidyan, sendika travayè mete ak tout pati ki nan lagòch deside jwenn ansanm pou pèmèt mobilizasyon an pran chè, dapre enfòmasyon ki vin jwenn korespondan ajans AltèPrès la nan vil Pari.
Nan finisman semèn pase, Prezidan Jacques Chirac anonse 2 chanjman nan lwa sou Kontra Premyè Jòb la (contrat première embauche : CPE). Men, sa pa sifi pou bese mobilizasyon sosyal la. Dayè, vandredi swa menm, ki te 31 mas 2006, kèk minit sèlman aprè Prezidan an te fin pale ak nasyon an, plizyè (...)

Lafrans paralize. Jacques Chirac tranche

Ekri jou vandredi 31 mas 2006

Paris, 31 mas 2006 [AlterPresse] --- Prezidan Jacques Chirac deside kenbe lwa sou Kontra Premyè Djòb la (Contrat Première Embauche : CPE). Prezidan fransè a di : Palman an vote pwojè-lwa a, Konsèy Konstitisyonèl la di lwa a pa an dezakò ak konstitisyon an, li menm bò kote pal, li ap pibliye li kòm sa dwa.
Men anvan, Chef Leta a, pou kalme presyon lari a, mande gouvènman an pote 2 chanjman nan lwa sa. Dabò, peryòd 2 zan an sipoze redwi a on lane. Sa vle di, se pandan 12 mwa, on patwon dwe swiv on jèn nan yon antrepriz pou konnen si li ap kenbe l osnon si li ap voye ale. Aprè peryòd sa, jèn anplwaye a (...)

0 | ... | 35 | 40 | 45 | 50 | 55 | 60 | 65 | 70 | 75 | ... | 95