Haiti
Atik

Enfòmasyon ak analiz

Ayiti/Sekirite : Zak kidnapin yo sou wout pou bese plat atè

Ekri jou vendredi 28 août 2009

Pòtoprens, 28 dawout 2009 [AlterPresse] --- Fenomèn dap piyanp lan fè yon ti bese, nan dènye mwa sa yo, nan peyi d Ayiti gras ak jefò otorite lapolis yo ak sòlda nasyonzini yo rive fè.
Depi kòmansman ane 2009 la, zak kidnapin yo rive bese a 74 pou san, daprè chif Fred Blaise, ki se pòtvwa polis nasyon zini an, mete deyò ayè jedi 27 dawout la.
Pou mwa me 2009, te gen yon rediksyon 80 pou san sou kantite moun atoufè te fè dap piyanp. Nan mwa jen 2009, te gen yon rediksyon de 82 pou san. Zak kidnapin lan ta pral konnen yon rediksyon de 66 pou san nan mwa jiyè 2009, sa fè n konprann aktivite (...)

Brezil : Mouvman sosyal ayisyen fè tande vwa l nan Fowòm Sosyal Mondyal

Ekri jou lundi 2 février 2009

Pòtoprens, 02 fev. 09 [AlterPresse] --- Delegasyon plizyè òganizasyon ak rezo ayisyen patisipe nan Fowòm Sosyal Mondyal (FSM) ki fèt ane sa a nan Belem (Brezil) soti 27 janvye rive premye fevriye.
Pami òganizasyon ki reprezante, gen Platfòm k ap Plede pou yon lòt kalte Devlopman (PAPDA), Mouvman Demokratik Popilè (MODEP), Tèt Kole Ti Peyizan Ayisyen, Batay Ouvriye, Enstiti Kiltirèl Kal Levèk (ICKL) ak Solidarite Fanm Ayisyen (SOFA).
Dapre enfòmasyon patisipan yo founi bay AlterPresse, yo te mache ak plizyè postè “pou sansibilize moun nan Fowòm nan kont okipasyon ki gen nan peyi Dayiti a”.
Delegasyon (...)

Ayiti/Enèji : Èske se vre pa gen ase gaz nan ponp yo ?

Ekri jou vendredi 30 janvier 2009

Pòtoprens, 30 janvye 09 [AlterPresse] --- Gouvènman premye minis Michèle Duvivier
Pierre-Louis ap dirije a demanti enfòmasyon ki ta fè kwè gen yon rate gaz sou mache
ayisyen an, malgre chofè machin gen anpil difikilte pou rive jwenn pwodui sa depi kèk jou.
Daprè sa gouvènman an fè konnen, gaz ki nan ponp yo sifi pou bay popilasyon an sèvis
jiskaske yon lòt kagezon petwòl rive nan peyi d Ayiti nan finisman semèn nan.
Depi semèn pase a, gwo bri t ap kouri nan Pòtoprens pou fè konnen gaz la pral ra. Anpil chofè piblik kou prive pa t pran tan pou t al fè ti pil gwo pil nan estasyon gaz yo yon mannyè pou (...)

Etazini/Barack Obama : Yon prezidan nwa nan Kay Blanch meriken an

Ekri jou mèkredi 21 janvye 2009

Pòtoprens, 21 janv. 09 [AlterPresse] --- Prezidan tou nèf peyi Etazini a, Barack Hussein Obama, antre nan pòs li, nan palè nasyonal ameriken an, jounen madi 20 janvye 2009 la, apre li fin ranpòte lamayòl nan eleksyon ki fèt nan dat 4 novanm 2008 la, dapre sa moun toupatou .sou latè te ka wè nan televizyon entènasyonal yo. Barack Obama, ki se premye prezidan nwa nan listwa Etazini, te sèmante l ap respekte konstitisyon peyi l devan plis pase 2 milyon moun ki te mobilize pou asiste seremoni an. Prezidan ameriken an te fè yon diskou 20 minit, kote li rekonèt ki jan defi, l ap jwenn sou chimen l (...)

Ayiti/Espay: Renn peyi Espay la vin founi je gade

Ekri jou mèkredi 21 janvye 2009

Pòtoprens, 21 janv. 09 [AlterPresse] --- Renn Sofia, ki soti nan peyi Espay, tanmen ayè madi 20 janvye 2009 la yon vizit 3 jou nan peyi d Ayiti apre li te fin chita pale nan Sen Domeng ak prezidan Leonel Fernandez, dapre enfomasyon ki vin jwenn ajans sou Entènèt AlterPresse. Vizit sa a ap pèmèt Renn Sofia founi je gade divès pwojè gouvènman espànyòl la bay bourad lajan nan divès rakwen nan peyi d Ayiti. Renn lan ap gen pou chita pale jounen mèkredi 21 janvye a ak prezidan Repiblik la, René Préval. Apre sa, l ap gen pou l fè yon kout pye nan depatman Sidès la, kote li pral vizite yon latriye (...)

0 | ... | 5 | 10 | 15 | 20 | 25 | 30 | 35 | 40 | 45 | ... | 95