Haiti
Atik

Enfòmasyon ak analiz

Ayiti-Repiblik Dominikèn : Otorite dominiken yo kontinye ap depòte Ayisyen nan move kondisyon

Ekri jou vendredi 7 septembre 2018

Pòtoprens, 7 septanm 2018 [AlterPresse] --- Otorite dominikèn yo kontinye ap foule anba pye yo dwa migran ayisyen yo nan moman yap rapatriye yo an Ayiti. Pou premye semèn mwa septanm lan atravè depatman Nòdès ak Sant, sòlda dominiken yo voye tounen plizyè santèn ayisyen, nan move kondisyon.
Direktè biwo Gwoup kap apiye rapatriye ak refijye yo (GARR) nan beladè, ki twouve l nan depatman Sant, Rigard Orbé, di soti premye pou rive 4 septanm 2018 la yo konte anviwon 390 migran ayisyen gouvènman dominiken an voye retounen nan peyi a.
Rigard Orbé eksplike, sòlda dominiken yo bat ayisyen yo, kite yo san (...)

Ayiti : Soti nan rezo sosyo, desann nan lari, Ayisyen mande « kote kòb PetroCaribe a ? »

Ekri jou vendredi 24 août 2018

P-au-P., 24 out 2018 [AlterPresse] --- Jan yo te anonse l la, anviwon yon milye jèn fanm ak jèn gason te leve vwa byen fò, vandredi 24 out la, devan Lakou dèkont pou mande kote kob petrocaribe a pase ?
Yon foul kite gen ladanl atis, animatè kiltirèl, jounalis, etidyan, pwofesyonèl, elatriye, ak pankat nan men yo ki ekri revandikasyon kap mande kote 3.8 milya dola ameriken lajan fon PetroCaribe a pase, dapre sa AlterPresse ak AlterRadio konstate.
Youn nan moun ki tap bay sit-in lan jarèt, komedyen Gaelle Bien-Aimé, pwofite montre enpòtans pou atis yo enplike yo pi plis nan batay pou chanje peyi- (...)

Ayiti-Ensekirite : Yon pwogram lapolis pou eseye frennen vyolans nan Matisan

Ekri jou jeudi 23 août 2018

Pòtoprens, 23 out 2018 [AlterPresse] --- Inite espesyalize Lapolis kominotè nan Polis nasyonal Ayiti a, nan tèt kole ak Misyon nasyonzini pou apiye lajistis Ayiti (Minijis) epi òganizasyon Viva rio lanse, mèkredi 22 dawout la, pwogram Matisan san vyolans.
Pwogram sa gen pou objektif kontrekare ensekirite ki gen nan twazyèm sikonskripsyon an.
Chèf kabinè depatmantal lwès polis nasyonal la, Jean Ismagne Auguste, salye inisyativ lan pandan li di lapolis pral konbat ensekirite ak vyolans nan twazyèm sikonskripsyon Pòtoprens lan atravè yon apwòch altenatif.
Reprezantan Minijis la, Mama Diallo, nan (...)

Ayiti : Tansyon nan Pòtoprens, 2 moun mouri

Ekri jou samedi 7 juillet 2018

Pòtoprens, 6 jiyè 2018 [AlterPresse] --- Omwen 2 moun ta mouri, sanble se anba bal, nan Pòtoprens, vandredi apremidi 6 jiyè 2018 lan, dapre enfòmasyon ki vin jwenn AlterPresse.
Gwo tansyon te koumanse blayi nan plizyè katye, depi bò 4 trè apremidi, apre moun yo aprann pri gaz la ap sibi ogmantasyon apati samdi 7 jiyè 2018 lan, a minui.
Kò 2 jèn gason, k ap benyen nan san yo, rete atè nan lari Tijo, nan sektè lès Pòtoprens, anba je kirye ki kanpe ap gade, dapre sa yon korespondan benevòl fè AlterPresse konnen.
Nan koumansman sware a, vandredi 6 jiyè 2018 lan, sitiyasyon an te toujou rete myèl nan (...)

Ayiti : Gwo tansyon nan Pòtoprens apre ogmantasyon pri gaz la

Ekri jou vendredi 6 juillet 2018

Pòtoprens, 6 jiyè 2018 [AlterPresse] --- Gwo tansyon blayi, apremidi vandredi 6 jiyè 2018 lan, nan plizyè katye nan Pòtoprens, apre enfòmasyon ki sikile sou ogmantasyon pri gaz la apati samdi 7 jiyè 2018 lan, a minui.
Barikad wòch ak kawoutchou k ap boule anvayi lari yo, espesyalman nan Dèlma, Bonrepo, Pòtay Leyogàn. Gen panik, pandan anpil moun ap chache mete yo alabri.
Moun ki te nan travay blije rete kote yo ye yo, pou pa riske vi yo. Sa k te deja pran lari, kouri antre kay zanmi, paske fanmi yo rele yo, di yo pa pran lari.
Sikilasyon paralize nan anpil katye epi komès fèmen.
Dapre yon nòt (...)

0 | 5 | 10 | 15 | 20 | 25 | 30 | 35 | 40 | ... | 125