Haiti
Atik

Enfòmasyon ak analiz

Ayiti : Yon jounen nasyonal enskripsyon elektè

Ekri jou lendi 25 jiyè 2005

P-au-P., 25 jiyè 05 [AlterPresse] --- Moun ki gen laj pou vote mase pa milye devan biwo enskripsyon elektoral nan tout peyi a pou retire kat elektoral yo nan okazyon jounen nasyonal enskripsyon 24 jiyè 2005 la.
“Se yon gran jounen pou konsey elektoral la e rezilta yo ap ekstròdinè†, dapre deklarasyon direktè operasyon elktoral la, Pierre Richard Duchemin, fè nan laprès. Konseye elektoral la pat an mezi bay kantite moun ki rive enskri nan okazyon an.
Aktivite enskripsyon yo kontinye prèske menm jan jounen lendi 25 jiyè 2005 la. Nan divès sant AlterPresse te vizite, lekòl majistrati wout frè (...)

Près ayisyen an pran kou : Kidnapè pase jounalis Jacques Roche alenfinitif

Ekri jou jedi 14 jiyè 2005

Pòtoprens, 14 jiyè 05 [AlterPresse]--- Lapolis nan Pòtoprens jwenn kadav jounalis Jacques Roche nan zòn Dèlma 4 maten jedi 14 jiyè a aprè bandi ak zam te fin kidnape l jou 10 jiyè a nan zòn Kris Wa, Nazon.
Bandi yo te menase pou touye Jounalis la si fanmi li pa ba yo 250 mil dola vèt. Daprè enfòmasyon yo, bandi yo te tòtire Jacques Roche anpil epi yo te minote l ak yon gwo chenn anvan yo touye l epi jete kadav la nan lari.
Jacques Roche, ki te gen 40 an, te reskonsab seksyon Kilti ak Sosyete nan Jounal «Le Matin ». Li te konn anime yon emisyon espò sou Radyo Ibo. Li te konn anime yon emisyon sosyal (...)

Ayiti - siklòn : Dennis lakòz plis pase 40 moun mouri

Ekri jou madi 12 jiyè 2005

Pòtop., 12 jiyè 05 [AlterPresse] --- Lakomin Grangwav, nan sid peyi a, anonse yo jwenn plis pase 20 kadav apre siklòn Dennis fin pase nan zòn sid peyi a 6 ak 7 jiyè pase.
Nan yon entèvyou ak radyo prive Vision 2000, majistra Paul Evens fè konnen li te blije pran desizyon fè antere kadav yo prese prese poutèt yo te fin gate. Li di tou, genyen nan kadav yo ki te san tèt.
Pifò nan moun ki mouri nan Grangwav yo, viktim lè yon pon kraze azòz gwo inondasyon ki te genyen.
Yon lòt bò gen 4 mò nan Sidès ak 2 lòt Okay, prensipal vil nan Sid peyi a. Nan komin. Poto ak Lè Zanglè lanmè a anvayi kay yo.
Anvan sa, (...)

Kadans vyolans ak ensekirite an Ayiti

Ekri jou mèkredi 6 jiyè 2005

Pòtop., 06 Jiyè 05 [AlterPresse] --- Gwo operasyon militè ak lapolis nasyonzini ansanm ak lapolis Ayiti ap kontinye nan kèk katye popilè Pòtoprens, patikilyèman zòn Bèlè (nan mitan kapital la) ak Site Solèy (nan Nò).
Nouvèl nou pa rive konfime fè konnen chèf gwoup ame nan Site Solèy, Dread Wilmè, ta tonbe anba bal nan goumen ak fòs Nasyonzini yo ak lapolis, byen bonè nan maten 6 jiyè a. Plizyè lòt nèg ki te ak Dread Wilmè ta sibi menm sò a, dapre enfòmasyon ansyen majistra adjwen Dèlma Ernst Erilus, ki baze nan Site Solèy, bay Radyo Kiskeya.
Sa fè anviwon 2 semèn, lapolis te anonse Dread Wilmè te blese anba bal (...)

Yon gwo zotobre nan Nasyon Zini ap vizite Ayiti apre manda MINISTA fin repedale

Ekri jou vandredi 24 jen 2005

Pòtop., 24 jen 2005 [AlterPresse] --- Sekretè jeneral an apre òganizasyon Nasyon Zini nan zafè Operasyon mete Lapè a, Jan Mari Geyeno, rantre nan peyi Dayiti 22 jen. Diplomat la gen pou l pase pou pi piti 5 jou pou bouske enfòmasyon sou sitiyasyon peyi Dayiti jounen jodi a.
Pandan vizit sa, Jan Mari Geyeno ap gen pou chita pale ak chèf sivil misyon Nasyon Zini pou lapè nan peyi a Juan Gabriel Valdés, prezidan peyi a Bonifas Aleksann ak premye minis Jera Latòti.
Menm jounen 22 jen an, Konsè sekirite Nasyon Zini a te deside pwolonje manda fòs Loni a nan peyi Dayiti epi ogmante efektif twoup li yo. (...)

0 | ... | 85 | 90 | 95 | 100 | 105 | 110 | 115 | 120 | 125 | 130